HUGLEIÐSLUDAGUR UNGA FÓLKSINS

Vertu með þann 9. október í 3 mínútna hugleiðslu fyrir frið í hjarta!
Allir mega vera með hvar sem er kl 10:30! 

Markmið dagsins er að sameina ungt fólk (6-16 ára) í 3 mínútna hugleiðslu í skólum hérlendis og erlendis (við vitum að Kanada verður með að einhverju leyti eins og í fyrra) og vera með beint streymi frá Björtuloftum í Hörpu þar sem við hugleiðum fyrir frið í hjarta með um 100 unglingum frá mismunandi skólum á höfuðborgarsvæðinu.

Við erum að vekja athygli á hugleiðslu sem leið til að ma. skapa innri frið, finna innri náttúrulega gleði, vinna úr tilfinningum, kvíða, streitu og vanlíðan hjá ungu fólki og gera þau að sterkari einstaklingum.

Sama dag er afmælisdagur John Lennon, þess mikla friðarsinna og verður kveikt á friðarsúlunni um kvöldið í Viðey.

Hægt er að vera með á livestream í hugleiðslustundinni og setjum við vefslóðina hér inn í þennan viðburð þegar nær dregur.

Þér gefst einnig tækifæri á að styrkja okkur með millifærslu á þennan reikning: Kt. 510414-1010 - Reikn. 526-14-403558.

Okkar bestu hjartans kveðjur,
Verkefnastjórn Jógahjartans

FRIÐRILDI 2017

Þann 9.febrúar næstkomandi kl. 10.00 mun hópur af börnum á grunnskólaaldri hittast í Ráðhúsi Reykjavíkur og hugleiða saman. 

Markmiðið með viðburðinum er fyrst og fremst að vekja athygli á mikilvægi þess að hlúa að friðsæld og vellíðan barna og stuðla þannig að innri og ytri friði í heiminum. Börn sem læra snemma að róa hugann og finna sinn innri frið fá dýrmætt veganesti út í lífið.

Allir skólar landsins eru hvattir til þess að taka þátt í þessum viðburði með okkur. Hægt er að taka þátt með því að leiða börn í stutta hugleiðslu í hverjum skóla fyrir sig, þann 9.febrúar kl 10.00. Þá geta hópar komið saman í kennslustofum eða í samverurými innan skólans til að skapa fallega kyrrðarstund. 

Þeir skólar sem taka þátt geta sent okkur tölvupóst á jogahjartad@gmail.com

og við munum senda hverjum skóla þakklætisvott í formi viðurkenningarskjals í kjölfar viðburðarins og taka nafn skólans fram á heimasíðunni okkar. 

Nánari upplýsingar um hugleiðsluna er að finna í myndbandinu hér að neðan.